भोलि २१ गते देखि सम्पूर्ण सार्वजनिक यातायात खुल्ने , लामो दुरीका पनि

समाचार

काठमाडौं । यातायाता व्यावसायीहरुले प्रशासनलाई सोमबारबाट सबै खालका गाडि चलाउने चेतावनी दिएका छन् । व्यावसायीहरुले बिहीबार काठमाडौंका तीन वटै जिल्लाका प्रमुख जिल्ला अधिकारीहरुलाई भेटेर प्रशासनको निर्देशन नमान्ने चेतावनी दिएका हुन् । बिहीबार तीनै जिल्लाका प्रमुख जिल्ला अधिकारीहरुसँग व्यावसायी र मजदुर सङ्गठनका प्रतिनिधिहरूबीच छलफल भएको थियो ।छलफलका क्रममा उनीहरुले आइतबारसम्म पर्खन सक्ने त्यसपछि निर्देशन अवज्ञा गरेरै भएपनि सबै खालका गाडी चलाउने उनीहरुले बताएका हुन् । जोर बिजोर पद्धतिलाई वास्ता नगरी कोरोनाको महामारीको अवस्था हेरेर सोमबारबाट सबै सवारी संचालन गर्ने उनीहरुको भनाइ छ ।यसअघि उनीहरुले शुक्रबारबाटै लामो तथा छोटो सबै खालका सवारी संचालन गर्ने बताएका थिए । तर उनीहरु प्रशासनको निर्देशनलाई पालना गर्दै रोकिएका हुन् ।

Leave a Reply

Your email address will not be published. Required fields are marked *